ماذا تفعل اذا وجدت فرخ منتفخ وبه هواء بالحويصله

السلام عليكم ورحمه الله وبركاته
كتير من الهواه اثناء موسم الفرخ يتصادف خروج فرخ شكله غريب جدا"
تحس وانت بتبص له انه زى البلون !!
او بمعنى ادق تحس ان الجلد مش متسق ولا ملاصق للجسم أو انه بعيد عن الجسم والفاصل بينهم غازات او هوا ،،
طيب ايه الحل ؟

اختلفت الاراء ان ده مرض بيسببه فيروس بالمعده وبين انه ثفب فى المرىء بتاع الفرخ
وبعض الطعام بيمر بين الجلد وبالتعفن بيعمل تعفن وغازات بتسبب الشكل المشوة ده
وفيه ناس تانيه قالت ان ده قصور فى وظائف بعض اجهزه الجسم ..

فى كل الحالات السابقه واى ما كان السبب ،، التصرف المجرب من عدد من الهواه الافاضل وعن نفسى قمت بتجربته كثيرا" هو عدد من الخطوات كما يلى :

1- حضرتك حتجيب ابرة عاديه وتسخنها كويس جدا" وتطهرها بكحول او بيتادين وتقوم بعمل ثقب بالجلد برفق دون ان تغرس الابره حتى اللحم او الجسم وده بعد دهان المنطقه دى بالبيتادين بقطنه لتطهير سطح الجلد
وبعد ما تقوم بتفريغ الهوا تدهن مكان الثقب ده بيتادين تانى منعا لتلوث الجرح

(لو تم العمليه بنجاح من العلامات ان مافيش ولا قطرة دم ان شاء الله )

2- حضرتك حتجيب مضاد حيوى موضعى كريم وليكن جارمايسين او فيوسيدين وتدهن بيه مكان ما فرغت الهوا من مرة لمرتين وده لمنع نشاط البكتريا وتكون خراج او غيره

3- حتضيف للاهالى فى الماء مضاد حيوى عام واسع المجال وبالتالى لما الاهالى بتاكل حتنقله للفرخ ده ولباقى الفروخ وده عادى ومافيش منه مشكله ان شاء الله
ممكن تستخدم أوجمنتين 475 مجم أو أوجمنتين 600مجم" نحط 5 نقط على مسقاه يومين او ثلاثه
لا الماده الفعاله فيه أموكسيسلين ،، ده حل للناس اللى بيصعب عليها الحصول على علاج بيطرى ..

او انك تستخدم علاج عن نفسى استخدمته من فترة وممتاز اسمه بفلوكسين او اى مضاد فيه نفس الماده الفعاله وهى أموكسيسلين
ونحط 5 نقط على مسقاه برضه 3 ايام لانه قوى جدا" برضه

مرفق بصوره الموضوع صورلـ بفلوكسين و للاوجمنتين ..
ويا رب يجعله فى ميزان حسناتكم جميعا"
كلكم راع وكلكم مسئول عن رعيته
ولا تنسونا من الدعاء ..
موضوع الهاوى المحترم المميز: احمد قناوى